Првично стекнатото знаење од областа на финансиите, кое е неопходно за една личност да стане финансиски независна, има клучно влијание врз подготвеноста на еден млад човек да започне да функционира самостојно. Ниското ниво на познавање на теми како: штедење, инвестиции, банкарски прашања, станбени кредити и хипотеки, даноци, осигурување и сл. може да имаат сериозно негативно влијание врз финансиското однесување на една индивидуа, во однос на рационално трошење, права на потрошувачите, академска/професионална кариера и сл.

За да им се помогне на младите да имаат стратешки пристап кога станува збор за нивната економска благосостојба, мора да се употребуваат и приспособат соодветни алатки согласно возраста, создадени за определената целна група, од аспект на нивниот демографски и социо-културен профил, притоа гледајќи на зголемувањето на нивото на финансиска писменост како долгорочна цел, односно како една од клучните вештини за живеење.